♪♪
♪
♪♪♪
رن الجرس !!
حطوا على أبواب المدارس حرس
إذا الحياة مجموعة قصص ..
المدرسه مجموعة حصص ..
وقـــّــف ياصديقي هنا .. تأمل وصوّر
كل ألم قاسي .. وكل طقــّـة تعوّر !؟
ياشقي وياسعيد ..
خذ شنطة العمر فوق كتفك ..
خذ قلم .. وبرايه .. وهندسة
هذي الحياة الغريبة .. تشبه أيام المدرسة !
الحصة الأولى : ولادة طفل ..
هي مرحلة فيها تحدي .. واعجاز آيه ..
القلم !! يكتب أيام عمرك .. والعمر تبريه برّايه ..
والهندسة .. ترسم شقاء او سعادة ..
احتفلنا .. ايه احتفلنا بيوم ميلاده
جابو هدايا للولد ..
وذيك بنت ولبّسوها قلادة !
فجأة بلا سابق وعد
مرت الحصة سريعة .. ولايشعر أحد !
♪♪
♪
♪♪♪
رن الجرس
حطوا على أبواب المدارس حرس
ثاني الحصص : روح الطفولة
ياهي أجمل مرحلة وأصدق احساس
الناس اتشوف في عينك براءة
وحضرتك !؟ .. ماتشوف الناس ناس !
كل همك العاب .. وسلة حلاوة .. وودوني الملاهي
تعيش عمرك بدون هموم .. ساهي ولاهي !
فجأة !!.. بلا سابق وعد ..
تمر هالحصة سريعة .. ولايدري أحد !
♪♪
♪
♪♪♪
رن الجرس
حطو على الساحة حرس
وقت فسحه !!.. أو فسحة من الوقت .. ناخذ نفس ..
احدن بقى صاحي .. واحدن غلبه النوم ونعس
واكيد في لحظة ..
تمر هالفسحة سريعة ولا يشعر أحد
الثالثة : ثورة مراهق
هنا .. تتشابك الرغبات وتضيع المبادئ ..
يومين متسلط عنيف .. ويوم هادي ..
ماتعرف مين يصلح لك .. ومن ترافق !؟
وماهي مشكلة كيف تفهم نفسك ! او كيف نفسك تفهمك ؟
المشكلة كيف أنا وإنت انتوافق ..
تمر هالحصة سريعة ولايشعر احد !
الرابعة : شباب وفتوة
هنا هنا .. استثمر القوة ..
دينك والوطن محتاجك .. تعيد أمجاد أجدادك
وتعزز ثقافة هالبلد !
انتبه !
لاتمر هالحصة بدون .. (اصرار بنت وبصمة ولد)!
الخامسة : رجولة
مستوى .. مو أي شخصن يطوله ..
وفي هالوقت بالذات ..
إذا بغيت تكون فعلا رجل !! .. خلك رجل ..
هذا اللي ممكن أقوله ..
السادسة : صرت شايب
ماعاد باقي كثر ماراح
وش فيك ياعمي ؟ أكيد إنك تعبت ؟ من حقك الآن ترتاح ...
خلاص يكفي جهاد وصبر
وإنت ماتقوى على السير .. رجل في الدنيا ورجل في القبر ..!
يالله حسن الختام .. واغفر له قبل يرقد في اللحد ..!
عمنا خرّف .. ماعاد يعرف أحد ..!
♪♪
♪
♪♪♪
الحصة الأخيرة : لـ وين المصير؟
رن الجرس ..
حطو على أبواب المصلى حرس
حان وقت الصلاة .. ياعباد اللــه ..
صلو صلاة الغائب .. على الضمير الغائب ..
المستتر بأول العام الدراسي .. المنتهي بـ آخر العمر الأساسي
فضلا .. اجمعوا الطاولات .. ورتبوا وضع الكراسي !
وقتها .. يدور في نفسك ونفسي سؤال !؟
كيف مرت أسابيع الدراسة من العمر ..
وكيف مر العمر بلا دراسة .. !!
نعم .. وصلنا النهاية بلا سابق وعد .. ومن غير مايشعر أحد !
اليوم أنا وأنت .. ياشقي .. ياسعيد !
هي كذا حياة المدرسة .. هي كذا مدرسة الحياة ..
فصل طلاب الرسوب وفصل طلاب الكفاح ..
فصل سعيد .. قطعا حقق اسباب النجاح ..
وفصل شقي .. اشبع العمر فوضى ..؟ .. وصد وجحد !!
والنتيجة للأسف .. لم ينجح أحد !!!؟
الثلاثاء مارس 22, 2011 2:11 pm من طرف 
