ياسين
مدير عام
عدد المساهمات : 152
نقاط : 434
السٌّمعَة : 0
تاريخ التسجيل : 28/12/2010
العمر : 29
الموقع : النزلة
 | موضوع: للسوافة فقط...  السبت فبراير 12, 2011 1:01 pm | |
| السلام عليكم ورحمة الله وبركاته[/center
[center]هذه قصه سندريلا السوفية
بعضكم راح يفهما وبعضكم لا
..وفي البعض
راح يفهم بعض الكلمات ...
قراءة ممتعه إن شاء الله
على بركة الله نبدأ...
يا حجاتك يا مجاتك...قالك في زمااااان بكري كانت طفلة اسمها سندريلا....ايتيمة لمسيكينة
وقاعدة مع مرت اباها ...ومرت الأب واش نقلكم واش نحكيلكم عنها....ييييييه...
معذبتها لهميمة...
نهار ...عرضوهم لعرس في حوش مير النزلة...
ساندريلا بنت..ونفحت تروح..قالتلها مرت اباها...
كملي قضيتك وتروحي....وعطتها خدمة شهر باش تخدمها في يوم...
المسكينة كملت خدمتها زردت الحوش ونظفت كوري الشراكة وسقت الحرث
وراحت باش تحط راسها عن لوسادة...على خاطر راهي أيست من الروحان معاهم..
دخلت
الدار وثارت تزهق عن حظها لمزفت بصح سمعت شكشيك فيران ناضت من فراشها
وشبحت فإذا بيها تشوف روبة نتاع امها القديمة...بصح روبة معندي من قلك
جبدولها الفيران لحنان من تحتها
وقالولها روحي معاهم...
فرحت الطفلة وراحت تجري لمرت اباها وتحلل ...الربي خل نروح معاكم
اخواتها من الأب ...نغرن منها كي شافوا روبتها وشافوها خير منهن...
شدوا فسدولها شعرها و وسخولها روبتها...
وراحت سندريلا تبكي وهي مش عارفة سبب هالكره نتاع أخواتها
وهي تبكي...فجأة....جتها عزوز...
واش بيكي يابنيتي...حكتلها سندريلا القصة....شفتها...
قالتلها….تو نقدلك الرحلة ...بصح عندي شرط..
قبل لثناش نتاع الليل تكوني هنايا..
و من بعد راحت سندريلا للسهرة
وكي دخلت سندريلا السهرة تفاجأو كلهم من جمال سندريلا
خاصه ولد المير راحلها من دون تفكير
وبعدها رقص ولد المير مع سندريلا وهو فرحااااااان
بدي يتقرب منها كاش مايعرف عنها شيء...لكن!!!!
دقت الساعه 12
سندريلا اترعبت....لأنها ماحستش بالوقت ..!!
ولد المير استغرب وحاول انه يحبسها لكن؟؟؟!!!!
ركضت سندريلا بسرعه وفجأه طاح اوقاها (سباطها)...حاولت تهزه لاكن مكانش وقت تو يروح السحر
ولد المير طلعته وهز الصباط.. وقال للحراس جيبولي مولات هالصباط بأي طريقة..
سمعو الناس بحداثة المير وولده ...باللي راهي يفتش عن مولات الصباط...
وفرحت سندريلا كي عرفت انه ولد المير يفتش عليها
وكانت تغني الغنايه الي كانت تغنيها هي وولد المير
شكت مرت اباها فيها فوحاولو الفيران ينبهونها ولاكن سندريلا كان كل تفكيرها في ولد المير
ولحقتها مرت اباها للدار وتفاجأت سندريلا منها
وبعدها سكرت عليها الباب ووالمسكينة تبكي..
وجو الحراس باش يقيسوا على خواتها الصباط لكن !!!! ماجاش قدهن..
وحاولو الفيران انهم يساعدون سندريلا وخذو المفتاح من مخبا مرت اباها وحلوا لسندريلا الباب
وركضت سندريلا بسرعه للحراس لحقتهم قبل مايروحو
وقاست الصباط
وجي اكيد على قياسها
وعرسو وعاشو مرتاحين
ويقولو بعد كم سنة عرس عنها وخذا وحدة قبايلية.......هههههه
إن شاء الله عجبتكم القصه | |
|
السوفي
عضوجديد
عدد المساهمات : 8
نقاط : 14
السٌّمعَة : 10
تاريخ التسجيل : 14/02/2011
العمر : 34
الموقع : الجزائر
| | موضوع: رد: للسوافة فقط... الثلاثاء فبراير 15, 2011 10:27 am | |
|   القبايلية منين طلعتنا بيها هههههههههههههههههههههههههههه | |
|
السوفي
عضوجديد
عدد المساهمات : 8
نقاط : 14
السٌّمعَة : 10
تاريخ التسجيل : 14/02/2011
العمر : 34
الموقع : الجزائر
| | موضوع: رد: للسوافة فقط... الثلاثاء فبراير 15, 2011 10:29 am | |
| | |
|
دياب12
عضوجديد
عدد المساهمات : 17
نقاط : 19
السٌّمعَة : 0
تاريخ التسجيل : 29/01/2011
| | موضوع: رد: للسوافة فقط... الثلاثاء فبراير 15, 2011 10:57 am | |
|  بارك الله فيك | |
|
إبراهيم
عضو ذهبي
عدد المساهمات : 70
نقاط : 147
السٌّمعَة : 0
تاريخ التسجيل : 31/12/2010
العمر : 30
الموقع : الوادي
| |
